ಶ್ರೀ ಧೀರೇಂದ್ರಾಷ್ಠಕಂ – Sri Dheerendrastakam

ಉಕ್ತಿಪ್ರಕ್ರಮಣೇ ಗುರೋರ್ವಿಜಯತೇ ಯುಕ್ತಿಶ್ಚ ಯಸ್ಯ ಪ್ರಭೋಃ
ಭಕ್ತಿಃ ಶ್ರೀಪತಿ ಭೂಮಿಜಾಪರಿವೃಢೇ ಮುಕ್ತಿಪ್ರದಾಯಿನ್ಯಹೋ |
ಶಕ್ತಿಶ್ಚಾಪ್ಯತುಲಾ ಸದಾ ಪ್ರವಚನೇ ಸಕ್ತಿಶ್ಚ ದೀನೇ ದಯಾ
ವ್ಯಕ್ತಿರ್ಧೀರಜನೇಂದ್ರ ತೇ ಗುಣಗಣಾನ್ವಕ್ತುಂ ಸ್ಪುಟಂ ಕೋ ಭುವಿ ||

ಸ್ಫಾಯನ್ನ್ಯಾಯನಯೇ ಕಣಾದಮುನಯೇ ವಿದ್ವೇಷಿ ವಿದ್ವಜ್ಜಯೇ
ತೂರ್ಣಂ ಪೂರ್ಣಧಿಯೇ ಪುನಸ್ಸನಕಯೇ ಸನ್ಯಾಸಿನಾಂ ಸಂಚಯೇ
ಚಾತುರ್ಯಾತಿಶಯೇ ಕಲಾಸು ಗುರಯೇ ಧೈರ್ಯೋಚ್ಚಯೇ ಮೇರಯೇ
ಶ್ರೀ ಧೀರೇಂದ್ರಯತೀಂದ್ರ ದಾನವಿಷಯೇ ತೇsದ್ಯಾಪಿ ಕಲ್ಪದ್ರುಯೇ ||

ಶ್ರೀಲಃ ಶ್ರೀಪತಿವತ್ಸರೋರುಹಜಲದ್ವಾಣೀ ವಿಲಾಸಾಸ್ಪದಃ
ಶಂಭುರ್ವಾ ವೃಷಸಂಭವಃ ಸವಿತೃವತ್ಸಚ್ಚಕ್ರ ವಾಕಪ್ರಿಯಃ
ದೇವೇಂದ್ರಶ್ಚ ಸುಧಾರ್ಥದೋ ಹಿಮಗುವದ್ ಭೂಯಃ ಕಲಾನಾಂ ನಿಧಿಃ
ಶ್ರೀ ಧೀರೇಂದ್ರಯತೀಶ್ವರೋ ಮಮ ಗುರುರ್ದದ್ಯಾದಭೀಷ್ಟಂ ಸದಾ ||

ಸಂಸ್ಥಾನಾದಿಪತಿರ್ಯತೀಂದ್ರ ಭುವನೇಂದ್ರಾರ್ಯಃ ಸಮಂ ಸಜ್ಜನೈಃ
ಯಸ್ಮಾತ್ ಸಮ್ಯ ಗಧೀತವಾನ್ ದಶಮತೇಃ ಶಾಸ್ರೋಕ್ತ ತತ್ವಂ ಪರಂ
ಕಿಂಬ್ರೂಮೋsನ್ಯಜನಾಃ ಸುದರ್ಶನ ಮಹಾಚಾರ್ಯಾಃ ಪ್ರವರ್ಯಾಃ ಸತಾಂ
ಶ್ರೀ ಧೀರೇಂಮದ್ರಯತೀಶ್ವರೋ ಮಮ ಗುರುರ್ದದ್ಯಾದಭೀಷ್ಟಂ ಸದಾ ||

ಸಪ್ತತ್ರಿಂಶತಿ ಭೂರಿಭೋಧರಚಿತೇ ಗ್ರಂಥೇ ಜಯಾರ್ಯೋದಿತೇ
ಪದ್ಧತ್ಯಾದಿನಿಭಂಧನೇ ವರಸುಧಾ ತತ್ವಪ್ರಕಾಶಾದಿಕೇ |
ಏತತ್ತತ್ತ್ವಮಿದಂ ಸುಭೋಧಮಿಹ ದುರ್ಬೋಧಂ ವ್ಯನಕ್ತೇಮ ಯೋ
ವ್ಯಾಖ್ಯಾನಂ ಪ್ರಕಟೀಕರೋತಿ ಸುಮತಿಂ ಧೀರೇಂದ್ರತೀರ್ಥಂ ಭಜೇ ||

ಯಸ್ಯೋಪನ್ಯಸನಂ ಚ ನಾತಿ ಜವನಂ ನಾತಿತ್ವರಂ ಸತ್ವರಂ
ಸಾಂದ್ರಂ ನ ಸ್ಖಲನಂ ಸ್ವಪಕ್ಷಸುಪರಿಷ್ಕಾರ ಪ್ರಕಾರಕ್ಷಮಮ್
ದಕ್ಷಂ ಮಂಕ್ಷು ವಿಪಕ್ಷಕಕ್ಷದಲನೇ ವಿದ್ವದ್ವಿಕಕ್ಂ ಮುಹುಃ
ಶ್ರೀ ಧೀರೇಂದ್ರಯತೀಶ್ವರೋ ಮಮ ಗುರುರ್ದದ್ಯಾದಭೀಷ್ಟಂ ಸದಾ ||

ಯಾವಚ್ಛ್ರಾವಕಲೋಕ ಸಂಶಯಹರಂ ತತ್ತ್ವಾರ್ಥ ಸಂಭೋದಕಂ
ಯದ್ವ್ಯಾಖ್ಯಾನಮಹೋ ದೃಡೋತ್ತರಯುತಂ ಸತ್ಸಂಪ್ರದಾಯಾನ್ವಿತಂ
ಲೋಡ್ಯಂತೇ ಭುವಿಕೇ ನಿಶಮ್ಯ ವಿಬುಧಾಃ ಸರ್ವಂ ಮಹಾ ಮಂಡಲೇ
ಶ್ರೀ ಧೀರೇಂದ್ರಯತೀಶ್ವರೋ ಮಮ ಗುರುರ್ದದ್ಯಾದಭೀಷ್ಟಂ ಸದಾ ||

ಗಂಗಾತೀರ್ಥ ಮುಖಾಗ್ರ ತೀರ್ಥ ಗಮನಂ ತನ್ಮಜ್ಜನಂ ಸಜ್ಜನೈಃ
ವೇದವ್ಯಾಸ ಸುಮೂಲ ಸದ್ರಘುಪತೇಃ ಕುರ್ವನ್ ಸಪರ್ಯಾಂ ಮುಹುಃ
ಸಾತಾರಾ ಪುನಯಾದಿರಾಜನಗರೇ ತದ್ರಾಜಕೈಃ ಸೇವಿತಃ
ಶ್ರೀ ಧೀರೇಂದ್ರಯತೀಶ್ವರೋ ಮಮ ಗುರುರ್ದದ್ಯಾದಭೀಷ್ಟಂ ಸದಾ ||

||ಇತಿ ಶ್ರೀ ಸಾತಾರಿ ಆಚಾರ್ಯ ವಿರಚಿತಂ ಶ್ರೀ ಧೀರೇಂದ್ರಾಷ್ಠಕಂ ಸಂಪೂರ್ಣಮ್||
ಶ್ರೀ ಕೃಷ್ಣಾರ್ಪಣಮಸ್ತು