ಶ್ರೀರಾಮಚಾರಿತ್ರ ಮಂಜರೀ – Sri Ramacharitya Manjari

ಶ್ರೀಮಾನ್ ಪೂರ್ವ೦ ಪ್ರಜಾತೋ ದಶರಥನೃಪತೇ ರಾಮನಾಮಾsಥ ನೀತೋ | ವಿಶ್ವಾಮಿತ್ರೇಣ ಮಂತ್ರಾಹೃದನುಜಸಹಿತಾಟಕಾಘಾತುಕೋSಸ್ತ್ರಮ್ |
ಬ್ರಹ್ಮಾದ್ಯಂ ಪ್ರಾಪ್ಯ ಹತ್ವಾ ನಿಶಿಚರನಿಕರಂ ಯಜ್ಞಪಾಲೋ ವಿಮೋಚ್ಯಾ- ಹಲ್ಯಾಮ್‌ ಶಾಪಂ ಚ ಭಂಕ್ತಾಶಿವಧನುರುಪಯನ್ ಜಾನಕೀಂನ: ಪ್ರಸೀದೇತ್ || ೧ ||

ಆಯನ್‌ ರಾಮಸ್ಸಭಾರ್ಯೋsಧ್ವನಿ ನಿಜಸಹಜೈರ್ಭಾಗ ವೇಷ್ವಾಸರೋಪಾತ್ ತದ್ಧಂ ಹತ್ವಾ ಸುರಾರಿಂ ಪುರಗ ಉತ ನುತಸ್ತಾಪಸೈರ್ಭೂಪಪೃಷ್ಟೆ : |
ಕಲ್ಯಾಣಾನಂತಧರ್ಮೋsಗುಣಲವರಹಿತ: ಪ್ರಾಣಿನಾಮಂತರಾತ್ಮೇ- ತ್ಯಾದ್ಯುಕ್ತಶ್ಚಾಭಿಷೇಕೇ ಪುರಜನಮಹಿತೋ ಮಹ್ಯತಾಂ ಮೇ ವಚೋಭಿ: || ೨ ||

ಕೈಕೇಯಿಪ್ರೀತಿ ಹೇತೋ: ಸಸಹಜನ್ಮಪಜೋ ವಲ್ಕಲೀ ಯಾನರಣ್ಯಂ ಗಂಗಾತಾರೀ ಗುಹಾರ್ಚ್ಯ: ಕೃತರುಚಿರಜಟೋ ಗೀಷ್ಟತೇ ಪುತ್ರಮಾನ್ಯ: |
ತೀರ್ತ್ವಾ ಕೃಷ್ಣಾಂ ಪ್ರಯಾತೋsವತು ನಿಜಮಮಲಂ ಚಿತ್ರಕೂಟಂ ಪ್ರಪನ್ನಂ ಸ್ವಾಂಬಾಭಿರ್ಭಾತರಂ ತಂ ಶ್ರುತಜನಕಗತಿ: ಸಾಂತ್ವಯನ್ ವ್ಯುಪ್ತತೀರ್ಥ: || ೩ ||

ದತ್ವಾs ಸ್ಮೈ ಪಾದುಕೇ ಸ್ವೇ ಕ್ಷಿತಿಭರಣಕೃತ್‌ ಪ್ರೇಷ್ಯತಂ ಕಾಕನೇತ್ರಂ ವ್ಯಸ್ಯಾರಾಧ್ಯೋತ್ರಿನಾಮ್ನಾ ವನಮಥ ಸಮಿತೋ ದಂಡಕಂ ತಾಪಸೇಷ್ಠಮ್ |
ಕುರ್ವನ್ ಹತ್ವಾವಿರಾಧಂ ಖಲಕುಲದವನಂ ಯಾಚಿತಸ್ತಾಪಸಾಗ್ರೈ – ಸ್ತೇಷಾಂದತ್ವಾಽಭಯಂ ಸ್ವಾನಸಿಧನುರಿಷುಧೀನ್ ಯಾನಗಸ್ತ್ಯಾತ್ ಸ ಪಾಯಾತ್ || ೪ ||

ಆಸೀನ: ಪಂಚವಟ್ಯಾಮಕುರುತ ವಿಕೃತಾಂ ರಾಕ್ಷಸೀಂ ಯೋ ದ್ವಿಸಪ್ತ- ಕ್ರವ್ಯಾದಾನಮಷ್ಯನೇಕಾನಥ ಖರಮವಧೀದ್ ದೂಷಣಂ ಚ ತ್ರಿಶೀರ್ಷಮ್ |
ಮಾರೀಚಂ ಮಾರ್ಗರೂಪಂ ದಶವದನಹೃತಾಮಾಕೃತಿಂ ಭೂಮಿಜಾಯಾ ಅನ್ವಿಷ್ಯನ್ನಾರ್ತಗೃಧ್ರಂ ಸ್ವಗತಿಮಥ ನಯನ್ ಮಾಮವೇತ್ ಘ್ನನ್ ಕಬಂಧಮ್ || ೫ ||

ಪಂಪಾತೀರಂ ಸ ಗಚ್ಛನ್ನಿಹ ಕೃತವಸತಿ: ಭಕ್ತಿ ತುಷ: ಶಬರ್ಯ್ಕೆ ದತ್ವಾ ಮುಕ್ತಿಂ ಪ್ರಕುರ್ವನ್ ಹನುಮತ ಉದಿತಂ ಪ್ರಾಪ್ತ ಸುಗ್ರೀವಸಖ್ಯಮ್ |
ಸಪ್ತಭಿತ್ವಾsಥ ತಾಲಾನ್ ವಿಧಿವರಬಲಿನೋ ವಾಲಿಭತ್ ಸೂರ್ಯಸೂನುಂ ಕುರ್ವಾಣೋ ರಾಜ್ಯಪಾಲಂ ಸಮವತ್ ನಿವಸನ್ ಮಾಲ್ಯವತ್ಕಂದರೇsಸೌ || ೬ ||

ನೀತ್ವಾ ಮಾಸಾನ್ ಕಪೀಶಾನಿಹ ದಶ ಹರಿತ: ಪ್ರೇಷ್ಯ ಸೀತಾಂ ವಿಚಿತ್ಯಾ- ಯಾತಶ್ರೀಮದ್ಧನೂಮದ್ಗಿರಿಮಥ ಸಮನುಶ್ರುತ್ಯ ಗಚ್ಚನ್ ಕವೀಂದ್ರೆ: | ಸುಗ್ರೀವಾದ್ಯೈರಸಂಖ್ಯೈರ್ದಶಮುಖಸಹಜಂ ಮಾನಯನ್ನಬ್ಧಿವಾಚಾ ದೈತ್ಯಘ್ನಃ ಸೇತುಕಾರೀ ರಿಪುಪುರರುದ ವೇದ್ವಾನರೈರ್ವಾರಿಘಾತೀ | | ೭ ||

ಭಗ್ನಂ ಕೃತ್ವಾ ದಶಾಸ್ಯಂ ಗುರುತರವಪುಷಂ ಕುಂಭಕರ್ಣಂ ನಿಹತ್ಯ ಪ್ರಧ್ವಸ್ತಾಶೇಷನಾಗ0 ಪದಕಮಲನತಂ ತಾಕ್ಷ್ಯನ್ಮಾನಂದ್ಯ ರಾಮ: |
ಸರ್ವಾನುಜ್ಜೀವಯಂತಂ ಗಿರಿಧರಮನಘಶ್ಚಾಂಜನೇಯಾತ್ ಕಪೀನ್ ಸ್ವಾ ವಿಜ್ಞಾನಾಸ್ತ್ರೇಣ ರಕ್ಷಣ್ ಸಮವತು ದಮಯನ್ ಲಕ್ಷ್ಮಣಾಚ್ಚಕ್ರಶತ್ರುಮ್ | | ೮ | |

ಕ್ರವ್ಯಾದಾನ್ ಘ್ನನ್ನಸಂಖ್ಯಾನಪಿ ದಶವದನಂ ಬ್ರಹ್ಮಪೂರ್ವೈ:ಸುರೇಶೈ: ಪುಷ್ಪೈರಾಕೀರ್ಯಮಾಣೋ ಹುತವಹವಿಮಲಾಮಾಪ್ಯ ಸೀತಾಂ ವಿಧಾಯ |
ರಕ್ಷೋನಾಥಂ ಸ್ವಭಕ್ತಂ ಸ್ವಪುರಮಥ ಗತ: ಪುಷ್ಪಕಸ್ಥೈಸಮಸ್ತೈ: ಸಾಮ್ರಾಜ್ಯಚಾಭಿಷಿಕ್ತೋ ನಿಜಜನಮಖಿಲಂಮಾನಯನ್ ಮೇಪತಿ:ಸ್ಯಾತ್ || ೯ ||

ರಕ್ಷನ್ ಕ್ಷೋಣೀಂಸಮೃದ್ದಾಂ ನುತ ಉತ ಮುನಿಭಿರ್ಮಾನಯನ್ ವಾಯುಸೂನಂ ಪ್ರೇಷ್ಯಾದಿತ್ಯಾತ್ಮಜಾದೀನ್ ವ್ಯತನುತ ಭರತ ಯೌವನಾಜ್ಯೇsನುಮಾನ್ಯ |
ಕಾರ್ಯೇ ಸೌಮಿತ್ರ ಮಾರ್ತಶ್ವಗದಿಕೃದರಿಘ್ನೋಥ ಶತ್ರುಘ್ನತೋ ಯೋ ಹತ್ಮಾಸೋ ದುಷ್ತಶೂದ್ರಂ ದ್ವಿಜಸುತಗುಬವೇತ್ ಕುಂಭಜಾನ್ಮಾಲಭಾರೀ ।| ೧೦ ।|

ಯಜ್ಞಂ ತನ್ವನ್ ತ್ರಿಕೋಟೀನ್ ವ್ಯತುದತ ಭರತಾದ್ಯೋ sಸುರಾನೀಶವಾಕ್ಯಾದ್
ಯಾಸ್ಯನ್ ಧಾಮಾತ್ರಿಪುತ್ರಂ ಭುಜಿಮಥ ಸ ನಯನ್ ಆತ್ಮಸೂನೂ ಸ್ವರಾಜ್ಯೇ ಕೃತ್ವಾ ಶ್ರೀಹ್ರೀಹನೂಮದ್ಧ್ರತ ವಿಮಲಚಲಚ್ಚಾಮರಛತ್ರಶೋಭೀ ಬ್ರಹ್ಮಾದ್:ಸ್ತೂಯಮಾನೋ ನಿಜಪುರವಿಲಸತ್ಪಾದಪದ್ಮೋsವತಾನ್ಮಾನ್ || ೧೧ ||

ಇತಿ ಶ್ರೀ ರಾಮಚಾರಿತ್ರ್ಯ ಮಂಜರೀ ಲೇಶತ: ಕೃತಾ | ರಾಘವೇಂದ್ರೇಣ ಯತಿನಾ ಭೂಯಾದ್ ರಾಮಪ್ರಸಾದದಾ || ೧೨ ||

|| ಇತಿ ಶ್ರೀ ರಾಘವೇಂದ್ರತೀರ್ಥಕೃತ ಶ್ರೀರಾಮಚಾರಿತ್ರ ಮಂಜರೀ ||